LOBOS NAS ILLAS

Sinopsis de LOBOS NAS ILLAS

Deitada ó sol, hai veces que unha queda coa mente en branco, non durmida de todo, pero si suspendida entre a vixilia e o sono, nun estado pracenteiro no que as cousas imaxinadas ou soñadas parecen case reais, e as cousas verdadeiras escaece os seus contornos. Nunha tarde así Amalia soñou que un barco de vela enarborando a insignia negra coa caveira atracaba na illa, e que un capitán dos piratas que se parecía a Stewart Granger a bicaba na boca, e aínda que nunca nos dezaseis anos da súa vida a bicaran na boca sentiu de forma moi precisa a lingua do capitán na súa e un formigo cando os seus dentes trabaron, un case nada, os labios do capitán.